Ndonëse NATO planifikon të pranojë anëtarë të rinj pas gjashtë muajsh, nuk është marrë asnjë vendim se cilët nga 10 vendet kandidate do të ftohen t’i bashkohen asaj – ka thënë në një intervistë telefonike, komandanti suprem i forcave të NATO-s për Europën, gjenerali amerikan, Xhozef Rallston. Duke përgënjeshtruar zërat për një ftohje të mbështetjes së aleatëve ndaj Amerikës në luftën anti-terror, Rallston theksoi se çdo anëtar i ri duhet të jetë i gatshëm të kontribuojë në këtë fushatë.
