Grupe për mbrojtjen e të drejtave të njeriut dhe ato opozitare në Pakistan, kanë kritikuar referendumin, rezultatet e të cilit u shpallën dje e që mbështesin përpjekjet e presidentit Pervez Musharraf për të zgjatur sundimin e tij edhe pesë vjet. Kryesuesi i Komisionit të pavarur pakistanez për të Drejtat e Njeriut, tha sot se vëzhguesit kanë konstatuar çfarë ai i quajti, “shkelje flagrante të procedurave zgjedhore”.
