Kontrolli i lindjes mbetet në qendër të luftës kundër varfërisë, theksohet në raportin për këtë vit për popullësinë botërore, të publikuar nga Fondi i Kombeve të Bashkuara për popullësi. Në këtë raport poashtu paraqitet e dhëna se deri në vitin 2050, vendet më të varfëra të botës do ta trefishojnë popullësinë e tyre dhe ajo do të arrijë në 1.8 miliardë banorë. Në raportin e publikuar thuhet se afro 3 miliardë njerëz në botë jetojnë duke fituar nga dy dollarë ose më pak në ditë.
