Kryeadministratori i Kosovës, Michael Steiner emëroi sot 42 gjyqtarë dhe prokurorë. Nga ky numër 21 janë serbë, 19 shqiptarë dhe nga një boshnjak e goran, ka informuar administrata e Kombeve të Bashkuara në Kosovë. Këtë listë të gjyqtarëve dhe prokurorëve Kuvendi i Kosovës nuk e miratoi në disa seanca të mëparshme. Ministri i drejtësisë i Serbisë, Vladan Batiq e përshëndeti këtë veprim të kryeadministratorit Steiner.
