Marrëveshja për ta sjellë Serbinë në projektin rus të gazësjellësit Rrjedha Jugore tregon mbështetjen për Serbinë lidhur me Kosovën, tha sot Dmitri Medvedev, kandidati kryesor në zgjedhjet për president të Rusisë. "Ne jemi në mënyrë kategorike kundër aktit të njëanshëm të njohjes së pavarësisë së Kosovës dhe besojmë se është keqpërdorim i parimeve ekzistuese", tha zoti Medvedev gjatë vizitës në qytetin Ufa në malet e Uralit.
