Presidenti Sejdiu nënshkruan ligjet e para

Presidenti Fatmir Sejdiu nënshkroi sot për herë të parë disa ligje, në prani të të dërguarit special të Bashkimit Evropian Peter Feith.

"Hyrja në fuqi e Kushtetutës shënon kompletimin e rrethit të ndërtimit të shtetit. Kushtetuta është kompasi që do të paraqes orientimin kryesor në rrugën tonë dhe do ta ndihmojë integrimin e Kosovës në Bashkimin Evropian dhe në NATO" tha Sejdiu.

Sipas tij, "miratimi i Kushtetutës paraqet momentin e dytë historik për Kosovën pas shpalljes së pavarësisë".