Ndërlidhjet

Karaxhiq javën e ardhshme në Hagë


Gjykata serbe për krime lufte tha se ekstradimi nga Serbia në Hagë i ish liderit të serbëve të Bosnjes, pritet javën e ardhshme.

"Teoretikisht ai mund të jetë në Hagë javën e ardhshme në rast se të gjitha faktet konfirmohen në dokumentet e gjykatës, ose pak më herët, nëse kështu vendos paneli" tha zëdhënësi Bruno Vekariq.

Avokati i Radovan Karaxhiqit ndërkohë, tha se Radovan Karaxhiq do të mbrohet vetë në Tribunalin e Hagës.

Svetozar Vujaçiq tha se Karaxhiqi do të ketë një ekip avokatësh që do ta ndihmojnë, por ai do të paraqitet vetë në tribunal.

Karaxhiqi, akuzohet për gjenocid në rrethimin e Sarajevës dhe masakrën e Srebrenicës, të vlerësuar si më e madhja në Evropë që nga Holokausti.
XS
SM
MD
LG