Shtëpia e Bardhë: Presidenti Bush u takua me kryeministrin Gilani

Kryeministri i Pakistanit, Yousuf Raza Gilani, tha sot se vendi i tij është i përkushtuar për t'i luftuar "ekstremistët dhe terroristët".

Ai këto komente i bëri pas takimit me presidentin amerikan, George Bush, në Shtëpinë e Bardhë.

Zoti Bush tha se Pakistani është aleat i Shteteve të Bashkuara:

- Pakistani është aleat i fuqishëm dhe demokraci e qëndrueshme dhe Shtetet e Bashkuara e mbështesin demokracinë dhe sovranitetin e Pakistanit, tha presidenti Bush.