Forcat e Gjeorgjisë dhe ato të Rusisë po i vazhdojnë përleshjet e armatosura në rajonin gjeorgjian të Osetisë së Jugut. Të dyja palët pohojnë se e kanë nën kontroll kryeqytetin Çinvali. Zyrtarët e ministrisë së Mbrojtjes të Osetisë Jugore konfirmuan se tanket e Gjeorgjisë përsëri kanë hyrë në pjesë të kryeqytetit, ndërsa agjencia ITAR-TASS raportoi se forcat tokësore të Gjeorgjisë gjithashtu ndodhen në qytet.
