Ndërlidhjet

logo-print

Steinmeier: Pavarësia në linjë me të drejtën ndërkombëtare


Ministri i jashtëm Frank-Walter Steinmeier, tha se Gjermania e ka njohur Kosovën si shtet të pavarur, duke besuar se deklarata e shpalljes së pavarësisë ishte në linjë me të drejtën ndërkombëtare.

Ministri Steinmeir tha se Gjermania nuk e mbështet kërkesën e Serbisë, që Gjykata Ndërkombëtare e Drejtësisë, ta shqyrtoj legalitetin e shpalljes së pavarësisë së Kosovës.

Këto komente ai i bëri pas bisedimeve me ministrin e jashtëm të Serbisë, Vuk Jeremiq, sot në Berlin.

"Gjermania e ka njohur Kosovën si një shtet të pavarur, por Serbia nuk e ka njohur dhe nuk do ta bëjë këtë", tha zoti Jeremiq.

Sipas tij, "shpallja e njëanshme e pavarësisë së Kosovës, paraqet shkelje të së drejtës ndërkombëtare".

Ai theksoi se stabiliteti dhe paqja në Kosovë, janë parakushte esenciale për Ballkanin Perëndimor, që të anëtarësohet në BE".
XS
SM
MD
LG