Ndërlidhjet

Bjellorusi: Votime për zgjedhjet parlamentare


Në Bjellorusi sot u votua për zgjedhjet parlamentare. Kryetarja e Komisionit Qendror të Zgjedhjeve Lidia Yermoshina tha se dalja në zgjedhje deri në orët e pasditës ishte më shumë se 50%.

Presidenti autoritar Aleksandr Lukashenka tha se ka lejuar 70 kandidatë të opozitës që të garojnë në mesin e gjithsejt 263 kandidatëve për 100 ulëset në parlament.

Pasi hodhi votën, Lukashenka tha se vëzhguesit do të konfirmojnë se zgjedhjet arritën nivelin e normave ndërkombëtare.

Sidoqoftë, njëri nga liderët e opozitës, Alexander Kozulin, deklaroi pas votimit se masat janë sipërfaqësore dhe se "nuk i ndryshojnë problemet themelore".

Opozita thotë se procesi ka të meta sepse atyre nuk u është lejuar të kenë përfaqësuesit e vet në komisionet lokale ku do të numërohen votat.
XS
SM
MD
LG