Kryeministri i Malit të Zi, Millo Gjukanoviq, deklaroi se zyrtarë të lartë të Serbisë kishin kërkuar që Mali i Zi të mos e njohë pavarësinë e Kosovës, para diskutimit në Asamblenë e Përgjithshme të OKB-së.
"Para disa muajsh, ministri i jashtëm i Serbisë ishte në Podgoricë dhe kërkoi nga ne që të mos e njohim Kosovën para votimit në Asamblenë e Përgjithshme të Kombeve të Bashkuara lidhur me nismën e Serbisë", i tha zoti Gjukanoviq agjencisë Reuters.
Sipas tij, gjatë kësaj periudhe "partnerët evro-atlantikë të Malit të Zi kishin shprehur pritjet e tyre se Podgorica do ta njihte Kosovën" por Mali i Zi e kishte mbajtur premtimin ndaj Serbisë dhe kishte pritur derisa propozimi serb ishte diskutuar në OKB.
Kryeministri Gjukanoviq tha se "njohja e Kosovës një ditë pas vendimit në OKB ishte vetëm koincidencë" dhe i përgënjeshtroi pohimet se kjo ishte bërë që t'i krijohen probleme Serbisë.
Ai theksoi se njohja e Kosovës "është realitet dhe ne e pranuam" dhe shtoi se "vështirë se rrota historike do të kthehet prapa".
"Para disa muajsh, ministri i jashtëm i Serbisë ishte në Podgoricë dhe kërkoi nga ne që të mos e njohim Kosovën para votimit në Asamblenë e Përgjithshme të Kombeve të Bashkuara lidhur me nismën e Serbisë", i tha zoti Gjukanoviq agjencisë Reuters.
Sipas tij, gjatë kësaj periudhe "partnerët evro-atlantikë të Malit të Zi kishin shprehur pritjet e tyre se Podgorica do ta njihte Kosovën" por Mali i Zi e kishte mbajtur premtimin ndaj Serbisë dhe kishte pritur derisa propozimi serb ishte diskutuar në OKB.
Kryeministri Gjukanoviq tha se "njohja e Kosovës një ditë pas vendimit në OKB ishte vetëm koincidencë" dhe i përgënjeshtroi pohimet se kjo ishte bërë që t'i krijohen probleme Serbisë.
Ai theksoi se njohja e Kosovës "është realitet dhe ne e pranuam" dhe shtoi se "vështirë se rrota historike do të kthehet prapa".
