Ndërlidhjet

Bush: Do të rimëkëmbim ekonominë globale


Liderët e Grupit të vendeve më të zhvilluara dhe vendeve në zhvillim G-20 janë tubuar në Uashington në samitin kushtuar krizës globale financiare.
Liderët janë në kërkim të masave për reformim të sistemit global financiar për të nxjerrë ekonominë nga kriza më e rëndë në 80 vitet e fundit.
Presidenti Bush me këtë rast tha:
"Ne jemi të vendosur për të zgjidhur problemet që sollën te kjo krizë. Duke punuar bashkërisht ne do të rikthejmë ekonominë globale në rrugën prosperitetit afatgjatë", ka thënë presidenti Bush.
Njoftimet thonë se gjasat për marrëveshje në këtë samit nuk janë të qarta, pjesërisht edhe për shkak të mungesës në takim të presidentit të zgjedhur të Shteteve të Bashkuara Barack Obama. Obama ka dërguar një ekip të vetin në samit në të cilin gjendet edhe ish sekretarja amerikane e shtetit Medlin Olbrajt.
Grupi G-20 disponon me 85 për qind të ekonomisë botërore.
XS
SM
MD
LG