Ndërlidhjet

logo-print

Rice: Pa insistim për pranimin e Gjeorgjisë dhe Ukrainës në NATO


Sekretarja amerikane e shtetit, Condoleezza Rice, tha sot se ajo nuk do të insistoj në sigurimin e anëtarësimit në NATO të Gjeorgjisë dhe Ukrainës, në takimin e ministrave të jashtëm të aleancës, që mbahet javën e ardhshme në Bruksel.

Zonja Rice tha në Uashington se "besojmë se Komisioni NATO-Gjeorgji dhe Komisioni NATO – Ukrainë do të mund të jenë trupa me të cilët ne mund të intensifikojmë dialogun dhe aktivitetet tona me Gjeorgjinë dhe NATO-on".

Ajo mëtutje u shpreh se për këtë arsye, "nuk është e nevojshme, në këtë kohë, që të ketë çfarëdo diskutimi" për planin aksional të pranimit në aleancë.

Në prill të këtij viti, NATO-ja e pat shtyrë çfarëdo vendimi kah ofrimi i planit aksional të anëtarësimit për Gjeorgjinë dhe Ukrainën deri në takimin që mbahet javën e ardhshme në Bruksel.
XS
SM
MD
LG