Zv. presidenti i zgjedhur amerikan, Joe Biden është zotuar për ndihmë afatgjatë amerikane për Afganistanin. Gjatë një vizite në Kabul Biden u takua me presidentin afgan Hamid Karzai me të cilin bisedoi për "luftën kundër terrorizmit si dhe rritjen e numrit të trupave amerikane si dhe ndihmën për forcat afgane". Presidenti i zgjedhur Barak Obama ka premtuar se do të përfundojë luftën në Irak dhe do të fokusojë përpjekjet ushtarake në Afganistan.
