Rusia dhe Kuba i forcojnë lidhjet

Zyrtarët e Rusisë dhe të Kubës u takuan sot në Moskë për t'u dhënë shtysë marrëdhënieve dypalëshe.

Zv/kryeministri rus, Igor Sechin tha se marrëdhëniet mes dy vendeve duhet "të arrijnë nivel të ri".

Në panelin morën pjesë zyrtarë dhe biznesmenë nga fushat e naftës dhe gazit, energjisë bërthamore dhe metaleve.

Rusia po i rindërton lidhjet e vjetra me aleatët nga koha e Luftës së Ftohtë, si Kuba dhe Nikaragua, por dhe Venezuela.

Lideri kubanez Raul Castro do të vizitojë Moskën nga fundi i janarit.