Sulme izraelite në Rripin e Gazës

Burime palestineze të sigurisë thonë se Izraeli, mbrëmë vonë, ka ndërmarrë disa sulme ajrore në pjesën jugore të Rripit të Gazës.

Banorët thanë se ishin sulmuar hapësira afër qytetit Rafah dhe tunelet për kontrabandim përgjatë kufirit me Egjiptin.

Këto sulme u bënë disa orë, pas raporteve se militantët palestinezë kishin hedhur dy raketa në jug të Izraelit.

Nga sulmet e të dy palëve nuk ka pasur viktima.