Zv. Presidenti i Shteteve të Bashkuara, Joe Biden sinjalizoi vazhdimin e mbështetjes për Gjeorgjinë e cila pati luftime me Rusinë vitin e kaluar. Duke folur anash samitit për sigurinë ndërkombëtare në Mynih të Gjermanisë, Biden tha se SHBA-të përkrahin autonominë dhe pavarësinë e Gjeorgjisë. Uashingtoni fuqishëm e mbështeti Gjoergjinë në konfliktin me Rusinë për dy rajonet e ndara të Abhazisë dhe Osetisë Jugore.
