Presidenti amerikan Barack Obama sapo ka filluar një vizitë të paparalajmëruar në Irak. Në Bagdad ai mbërriti pas vizitës dy ditore në Turqi.
Obama shprehu besimin se paqja në Lindjen e Mesme është e mundur, por të dyja palët, palestinezët dhe izraelitët, duhet të bëjnë kompromise.
"Mendoj se e kemi një ide si për çfarë kompromisesh flasim. Ajo që na nevojitet është vullneti politik dhe kurajoja nga ana e udhëheqësve", tha Obama.
Komentet e mësipërme Obama i bëri gjatë një takimi me studentët në Stamboll, në ditën e dytë dhe të fundit të vizitës së tij në Turqi. Obama shtoi se zgjedhja e tij i rriti besimin amerikanëve se ndryshimet janë të mundshme dhe se kjo është një mundësi e re për të përmirësuar imazhin e SHBA-ve në botë.
"Mendoj se njerëzit u nxitën të zgjidhnin dikë si unë, që ka jetuar një pjesë të kohës përtej oqeanit, që ka myslimanë në familjen e tij, pasi besojnë se mund të ndërtoj ura me pjesët e tjera të botës", tha Obama.
Gjatë ditës Obama u takua dhe me drejtues fetarë myslimanë, hebrejë dhe të disa kishave të krishtera që veprojnë në Stamboll. Obama ka deklaruar gjatë vizitës në Turqi se SHBA-të nuk janë në luftë me islamin.
Presidenti amerikan u takua dhe me shefat e diplomacive të Turqisë e Armenisë në përpjekje për të nxitur dy vendet që të normalizojnë marrëdhëniet.
Obama shprehu besimin se paqja në Lindjen e Mesme është e mundur, por të dyja palët, palestinezët dhe izraelitët, duhet të bëjnë kompromise.
"Mendoj se e kemi një ide si për çfarë kompromisesh flasim. Ajo që na nevojitet është vullneti politik dhe kurajoja nga ana e udhëheqësve", tha Obama.
Komentet e mësipërme Obama i bëri gjatë një takimi me studentët në Stamboll, në ditën e dytë dhe të fundit të vizitës së tij në Turqi. Obama shtoi se zgjedhja e tij i rriti besimin amerikanëve se ndryshimet janë të mundshme dhe se kjo është një mundësi e re për të përmirësuar imazhin e SHBA-ve në botë.
"Mendoj se njerëzit u nxitën të zgjidhnin dikë si unë, që ka jetuar një pjesë të kohës përtej oqeanit, që ka myslimanë në familjen e tij, pasi besojnë se mund të ndërtoj ura me pjesët e tjera të botës", tha Obama.
Gjatë ditës Obama u takua dhe me drejtues fetarë myslimanë, hebrejë dhe të disa kishave të krishtera që veprojnë në Stamboll. Obama ka deklaruar gjatë vizitës në Turqi se SHBA-të nuk janë në luftë me islamin.
Presidenti amerikan u takua dhe me shefat e diplomacive të Turqisë e Armenisë në përpjekje për të nxitur dy vendet që të normalizojnë marrëdhëniet.
