Policia amerikane ka gjetur në Midletown në shtetin Merilend një familje pesëanëtarëshe të vrarë. Sipas njoftimit të medieve amerikane, 34 vjeçari, Christopher Vood, ka vrarë gruan dhe tre fëmijët e tij të moshës prej dy deri në pesë vjeçe, ndërsa më pas ka bërë vetëvrasje. Policia ka thënë se në shtëpinë e viktimave janë gjetur katër letra lamtumirëse, por nuk janë dhënë detaje rreth përmbajtjes së tyre.