Ndërlidhjet

Afganistan: U vranë dhjetëra talibanë


Forcat e NATO-s në Afganistan kanë vrarë 34 luftëtarë të dyshuar talibanë në provincën Paktika, afër kufirit me Pakistanin.

Një zyrtar lokal afgan tha se forcat e sigurisë kishin marrë një informacion për tubimin e talibanëve në këtë rajon dhe kishin ndërmarrë sulm tokësor dhe ajror.

Ai tha se nuk ka pasur civilë të plagosur, ndërsa një ushtar i NATO-s ka pësuar lëndim.

Një zyrtar i NATO-s, në jugperëndim të Afganistanit, e ka konfirmuar këtë sulm, por tha se numri i kryengritësve të vrarë ishte 27.
XS
SM
MD
LG