Ndërlidhjet

logo-print

G 8 dënon dhunën në Iran


Grupi i tetë vendeve më të industrializuara të botës e ka dënuar Iranin për mënyrën se si e trajtoi krizën pas zgjedhjeve presidenciale.

“Ne e dënojmë dhunën pas zgjedhore, e cila çoi në humbjen e jetëve të civilëve iranianë, dhe i bëjmë thirrje Iranit që t’i respektojë të drejtat themelore të njeriut, përfshirë dhe lirinë e shprehjes”, thuhet në tekstin përfundimtar nga takimi i G8-ës në Trieste.

Më herët Irani ishte ftuar në Trieste, por Teherani refuzoi të marrë pjesë për shkak të tensioneve të shtuara me Perëndimin për shkak të dhunës pas zgjedhjeve të 12 qershorit.
XS
SM
MD
LG