Ndërlidhjet

logo-print

Berisha: Nuk ka të humbur, ka vetëm të fituar


Tiranë

Tiranë

Pikërisht në orën 19:00, në Shqipëri kanë përfunduar zgjedhjet parlamentare. Deri më tash nuk janë regjistruar incidente serioze, ndërsa dalja në vendvotime ka qenë më e lartë se ajo në vitin 2005.



Në Shqipëri kanë përfunduar zgjedhjet parlamentare, që janë parë si test madhor i demokracisë. Raportohet se nuk ka pasur probleme të mëdha.

Ambasadori i OSBE-së, Robert Bosh, tha se kishte “parregullsi të vogla”, por ato ishin më pak dhe me më pak peshë se në zgjedhjet e mëparshme.

Gjatë ditës, Komisioni Qendror i Zgjedhjeve nuk ka paraqitur të dhëna për dalje në votime.

Zgjedhjet janë vëzhguar nga afro 500 monitorues ndërkombëtarë. Pritet që rezultatet e para zyrtare të shpallen diku pas mesnate.

Menjëherë pas mbylljes së vendvotimeve, kryeministri i Shqipërisë, Sali Berisha, në një konferencë për shtyp, ka thënë se dalja në vendvotime ishte së paku 15 për qind më e lartë se në zgjedhjet e vitit 2005.

Berisha ka thënë se në këto zgjedhje nuk ka të humbur, ka vetëm të fituar, sepse Shqipëria evropiane është Shqipëria e të gjithë qytetarëve shqiptarë.

I pyetur të vlerësojë ecurinë e zgjedhjeve, kryeministri Sali Berisha ka thënë se vlerësimin përfundimtar do ta japin vëzhguesit ndërkombëtarë dhe vendorë.

Trego komentet

XS
SM
MD
LG