Gjeorgjia ka njoftuar se njohja e dy rajoneve separatiste nga ana e Venezuelës është bërë nën presionin e Moskës, dhe se ajo nuk do t’u ndihmojë “regjimeve kukulla” që të fitojnë legjitimitetin.
Përpjekjet e këtilla deri sot kanë qenë të kota, ka thënë zëvendës ministri i Jashtëm i Gjeorgjisë, Aleksandër Nalbandov.
Presidenti i Venezuelës, Hugo Çavez, i cili po qëndron në Moskë, njohjen e Abhazisë dhe Osetisë së Jugut e paralajmëroi pas bisedimeve me presidentin e Rusisë, Dimitri Medvedev.
Dy rajonet separatiste të Gjeorgjisë deri sot janë njohur vetëm nga Rusia dhe Nikaragua.