Zyrtarët afganë thanë se do t’i rinumërojnë 10 % të kutive të votimit, me qëllim që të përshpejtohen rezultatet e shumëpritura nga zgjedhjet e kontestuara presidenciale.
Komisioni Zgjedhor dhe një panel i Kombeve të Bashkuara, të cilët po i hetojnë pretendimet për parregullsi, thanë se kanë rënë dakord t’i rinumërojnë 313 nga 3.063 qendrate votimit, të cilat dyshohen për shkak se për një kandidat janë hedhur 100 % apo më shumë vota.