Partia Socialiste e qendrës së majtë në Portugali ka fituar edhe një mandat për të qeverisur, pas fitores në zgjedhjet e përgjithshme në këtë vend.
Megjithatë, ajo nuk ia doli ta fitojë shumicën në Parlament.
Rezultatet gati komplete të zgjedhjeve të djeshme tregojnë se socialistët kanë fituar 36.5%, ndërsa Partia Social-Demokratike opozitare fitoi 29%.
Partia Social-Demokratike ka pranuar disfatën.
Tash, lideri i Partisë Socialiste, Hose Sokrates, njëherësh edhe kryeministër aktual, duhet të vendosë për formimin e koalicionit qeverisës.
