Një tajfun i fuqishëm e ka goditur ujdhesën më të madhe të Japonisë, duke lënë të paktën dy të vdekur përpara se të drejtohet kah Paqësori.
Erërat e forta dhe shirat e mëdha të tajfunit Melor i detyruan mijëra njerëz të braktisin shtëpitë, dhjetëra mijëra njerëz mbetën pa energji elektrike.
Tajfuni, stuhia më e madhe tropikale prej vitit 2007, gjithashtu çrregulloi qindra fluturime dhe bëri që të mbyllen disa fabrika.