Udhëheqësit botërorë kanë mirëpritur mbështetjen që presidenti afgan dha për mbajtjen e raundit të dytë të zgjedhjeve presidenciale në Afganistan.
Presidenti Obama e cilësoi vendimin “hap të rëndësishëm për demokracinë” në Afganistan.
Kreu i Kombeve të Bashkuara përgëzoi Karzain për vendimin, duke theksuar se raundi i dytë do të jetë “sfidë e madhe”.
Edhe presidenti francez, Sarkozi e cilësoi homologun e tij afgan si burrështetas.
Ministria e Jashtme e Gjermanisë mirëpriti vendimin dhe kërkoi nga të gjitha palët e përfshira të tregojnë “përgjegjësi dhe qetësi”.
Raundi i dytë i zgjedhjeve presidenciale do të mbahet më 7 nëntor. Karzai do të garojë me ish ministrin e jashtëm Abdullah Abdullah.