Në Prishtinë, më 1 nëntor, ka qëndruar ish-presidenti i Shteteve të Bashkuara, Bill Klinton, për të marrë pjesë në ceremoninë e zbulimit të shtatores së tij, e cila është vendosur në bulevardin që mban pikërisht emrin e ish-presidentit amerikan.
Vizita e presidentit Klinton në Kosovë ishte e treta me radhë që prej përfundimit të luftës dhe e para që prej shpalljes së pavarësisë më 17 shkurt 2008.
