“Snajperisti i Uashingtonit”, i cili vrau 10 njerëz në vitin 2002 në rrethinat e kryeqytetit amerikan, do të ekzekutohet sot me injektim vdekjeprurës, pasi Gjykata Supreme e refuzoi apelin për pezullimin e ekzekutimit.
Xhon Alen Muhamad, 48 vjeç, u shpall fajtor në vitin 2004 dhe u dënua me vdekje në shtetin e Virxhinias për shkak të shtënave, që e terrorizuan zonën e Uashingtonit.
Ai u kap pas një gjahu të madh të policisë.
Prokurorët thanë se Muhamad, i cili kishte shërbyer në ushtrinë amerikane, përdori pushkë snajper për t’i qëlluar viktimat e tij në qendrat tregtare, para shkollave dhe para pikave të karburantit.
Bashkëpunëtori i tij Li Bojd Malvo, i cili në kohën e vrasjeve ishte 17 vjeç, e vuan dënimin me burg të përjteshëm.