Ndërlidhjet

SHBA humbi rastin të kapte Bin Ladenin



Ushtria amerikane ka mundur ta kapë ose ta vrasë Osama bin Ladenin në vitin 2001, nëse do të organizonte sulme të bashkërenduara në vendin ku ai fshihej, në Afganistan. Ky përfundim arrihet në një raport të Komitetit për Marrëdhënie me Jashtë në Senatin amerikan.

Arratisja e kreut të Al-Kaidës atë kohë ishte një mundësi e humbur, që ndryshoi drejtimin e luftës dhe i hapi rrugën kryengritjeve në Afganistan dhe në Pakistan.

“Eliminimi i kreut të Al Kaidës tetë vite më parë ishte jo vetëm një mundësi e humbur për të eliminuar një kërcënim global. Vendimet që i hapën derën arratisjes së tij në Pakistan, e lejuan Bin Ladenin të dilte si një figurë simbolike e fuqishme, që ende tërheq burime financiare dhe frymëzon fanatikë në të gjithë botën”, thuhet në raportin e Senatit amerikan.

Raporti ishte veçanërisht kritikë për udhëheqësit ushtarakë në administratën Bush, përfshi shefin e Pentagonit, Donald Rumsfeld dhe kreun e komandës ushtarake gjeneralin Tomi Frenks.

Kreu i Komitetit, senatori Xhon Kerri ka pohuar se adminsitrita Bush humbi mundësinë të kapte bin Ladenin dhe ndihmësit e tij kryesorë në vitin 2001 në Tora Bora, vetëm disa muaj pas sulmeve terroriste të 11 shtatorit.

Raporti po bëhet publik pak ditë para se prisedenti amerikan Obama të bëjë të njohur strategjinë e tij në Afganistan.
XS
SM
MD
LG