Rusia dhe Vatikani kanë vendosur marrëdhënie të plota diplomatike.
Njoftimin e bëri Kremlini pasi presidenti Dimitri Medvedev u takua me Papa Benediktin XVI.
Zëdhënësja e presidentit, Natalia Timakova, tha se Medvedev i ka thënë Benediktit se ai e ka nënshkruar dekretin për vendosjen e marrëdhënieve të plota diplomatike me Vatikanin.
Takimi në Romë vjen në kohën e përmirësimit të marrëdhënieve ndërmjet Kishës Ortodokse të Rusisë dhe Vatikanit.
Marrëdhëniet mes tyre kanë qenë të tendosura shekuj me radhë, por në dekadat e fundit u shtrënguan edhe më shumë nga akuzat e ortodoksëve rusë se katolikët po përpiqeshin ta minojnë besimin tek Kisha Ruse.