Presidenti i Shteteve të Bashkuara Barak Obama tha se Turqia mund të jetë “lojtar i rëndësishëm” për ta shtyrë Iranin drejt zgjidhjes së programit të tij bërthamor.
Duke folur pas takimit me kryeministrin e Turqisë, Rexhep Taip Erdogan në Shtëpinë e Bardhë, Obama gjithashtu tha se Uashingtoni dhe Ankaraja janë të përkushtuara për ta mundur terrorizmin kudo që ai të shfaqet.
Erdogan tha se Ankaraja është e gatshme që te bëjë gjithcka që mundet për të arritur zgjidhje diplomatike mbi cështjen bërthamore të Iranit.