Ujdhesa e vogël Nauru në Paqësorin jugor ka njohur rajonin separatist gjeorgjian të Osetisë së Jugut, si shtet të pavarur.
Lideri separatist Eduard Kokoiti tha se Osetia e Jugut dhe Nauru kanë nënshkruar një marrëveshje për vendosjen e marrëdhënieve diplomatike.
Njoftimi erdhi një ditë pasi Nauru e njohu Abhazinë si shtet të pavarur.
Rusia e njohu pavarësinë e dy rajoneve pas luftës kundër Gjeorgjisë vitin e kaluar.
Deri tani, hapin e Moskës e patën ndjekur vetëm Nikaragua dhe Venecuela.
Mediat ruse raportojnë se Moska e ka bindur Naurun t’i njohë dy rajonet duke premtuar ndihmë finansiare.
