Policia polake tha se po heton mundësinë e lidhjeve ndërkombëtare në vjedhjen e parrullës “Arbeit Macht Frei” – “Puna ju bën të lirë”, të cilën nazistët e kishin vendosur në hyrje të kampit të Aushvicit.
Parrulla u gjet pak ditë pas vjedhjes, e ndarë në tre pjesë, në një pyll jo larg ish kampit të përqëndrimit.
“Të gjitha agjencitë ndërkombëtare të botës” po bashkëpunojnë për rastin tha policia polake, duke theksuar se mund të ketë arrestime bazuar në një urdhër arresti ndërkombëtar.
