Në Pakistan, militantët raportohet se kanë hedhur në erë shtëpinë e një zyrtari të qeverisë në zonën kufitare në veriperëndim të vendit afër kufirit afgan.
Njoftohet se në sulmin është vrarë zyrtari Sarbraz Sadiki dhe anëtarët e familjes së tij, përfshirë fëmijët.
Sulmi ndodhi në provincën Kurram ku janë zhvilluar operacione kundër talibanëve dhe militantëve të tjerë.
Ende askush nuk e ka pohuar përgjegjësinë për sulmin.