Agjencia zyrtare iraniane IRNA raportoi se pesë kufoma të protestuesve të opozitës, të cilët vdiqën gjatë trazirave të djeshme, po mbahen “për t’u kompletuar hetimet”.
Ali Musavi, nipi 35 vjeçar i liderit të opozitës, Mir Hosein Musavi, u qëllua për vdekje në protestat, dhe raportohet se trupi i tij është në mesin e kufomave që po hetohen.
Të paktën tetë vetë u raportuan të vdekur pasi shpërthyen përleshjet ndërmjet forcave të sigurisë dhe mbështetësve të opozitës në Iran, në trazirat më të dhunshme që vendi ka parë në muajt e fundit.