Kina tha se kritikat e Shteteve të Bashkuara për pretendimet rreth kufizimeve në internet mund t’i dëmtojnë marrëdhëniet midis dy vendeve.
Mbrëmë, Sekretarja e Shtetit, Hillari Klinton, i bëri thirrje Kinës që t’i hetojë akuzat për sulm kibernetik ndaj kompanisë Google, e cila u kërcënua se do të tërhiqet nga vendi dhe e sfidoi Pekinin që t’i bëjë publike gjetjet.
Zëdhënësi i Ministrisë së Jashtme, Ma Zhaoksu, tha se akuzat e tilla janë të “pabaza” dhe të “dëmshme” për marrëdhëniet dypalëshe.
Ai tha po ashtu se secila palë duhet t’i trajtojë çështjet e ndjeshme “duke mbrojtur zhvillimin e shëndoshë dhe stabil të raporteve Kinë-SHBA”.
