Ushtria e Shteteve të Bashkuara tha se 18 mijë nga 30 mijë trupat që i autorizoi presidenti Barak Obama, do të mbërrijnë në Afganistan nga fundi i pranverës.
Admirali Majk Mullen, shef i shtabit të përgjithshëm, i tha një komiteti të Kongresit se talibanët kanë shkuar përtej pozicioneve jugore dhe tash e kanë shtrirë ndikimin në shumicën e provincave afgane.
Mullen tha se pjesa tjetër e 30 mijë trupave do të mbërrijë “sa më shpejt të jetë e mundur në verë dhe fillim të vjeshtës”.
Zyrtarë të Shtëpisë së Bardhë filimisht thanë se 30 mijë trupat duhet të mbërrijnë në Afganistan deri në fund të qershorit.