Fondi për Fëmijë i Kombeve të Bashkuara, UNICEF, sot u bëri apel donatorëve për 1.2 miliard dollarë, në mënyrë që organizata të mund ta kryejë punën gjatë vitit 2010.
UNICEF-i tha se paratë do të përdoren në 28 vende dhe territore të identifikuara se kanë nevojë urgjente.
Agjencia u zotua të fokusohet në ndihmat në shëndetësi dhe projektet zhvillimore në fushat si, ushqimi, imunizimi dhe qasja tek uji i pijshëm.
UNICEF tha se përderisa Haitit i kushtohet kujdes i jashtëzakonshëm për shkak të tërmetit shkatërrimtar, shumë pjesë tjera të botës gjithashtu kanë nevoja të shumta, por kanë mbetur jashtë vëmendjes.