Grupi Ndërkombëtar Drejtues për Kosovën (International Steering Group) mban sot një takim në Vjenë, për të diskutuar arritjet dhe sfidat në Kosovë, që nga mbledhja e fundit e këtij grupi. Raportin në këtë kuadër do ta prezantojë i dërguari i posaçëm i Bashkimit Evropian në Kosovë, diplomati holandez, Piter Feith, i cili njëherësh është edhe Përfaqësuesi Civil Ndërkombëtar. Në takimin e sotëm merr pjesë edhe kryeministri i Kosovës, Hashim Thaçi.
GND përbëhet nga 25 vende që e kanë njohur shtetësinë e Kosovës dhe në takimin e sotëm, ky grup do të përfaqësohet nga drejtorët për Ballkanin në qeveritë e vendeve anëtare.
Temë diskutimesh pritet të jetë strategjia e hartuar nga Zyra Civile Ndërkombëtare dhe Qeveria e Kosovës për integrimin e veriut të vendit, e cila tash ka filluar të njihet si strategjia e integrimit.
Kjo strategji ka arritur deri tash të përfitojë përkrahjen e shumë faktorëve ndërkombëtarë, por kundërshtohet ashpër nga Beogradi zyrtar dhe përfaqësuesit e serbëve të veriut të Kosovës.
GND sot gjithashtu pritet të diskutojë edhe për mandatin që zoti Feith ka në Kosovë, i cili do t’i nënshtrohet një rishikimi të dytë më 11 shkurt, si përfaqësues Special i Bashkimit Evropian në Kosovë.
Mandati i tij në këtë post, zyrtarisht përfundon në fund të këtij muaji dhe për vazhdimin eventual të kontratës, duhet të vendoset në takimin e ardhshëm të Këshillit të Ministrave.
Këtë e konfirmoi zëdhënësja e Përfaqësuesit Special të Bashkimit Evropian në Kosovë, Julia Reuter.
“Mandati i Përfaqësuesit Special të Bashkimit Evropian në Kosovë, Piter Feith, do të skadojë në fund të shkurtit. Për momentin, është duke u zhvilluar një proces rishikimi në nivelin e Bashkimit Evropian në Bruksel”.
“Ne mund të presim një vendim në lidhje me mandatin e tij, më 11 shkurt kur, nga krerët e qeverive dhe të shteteve, do të vendoset për këtë gjë në takimin e Këshillit në Bruksel”, ka thënë Reuter.(A.V.)
GND përbëhet nga 25 vende që e kanë njohur shtetësinë e Kosovës dhe në takimin e sotëm, ky grup do të përfaqësohet nga drejtorët për Ballkanin në qeveritë e vendeve anëtare.
Temë diskutimesh pritet të jetë strategjia e hartuar nga Zyra Civile Ndërkombëtare dhe Qeveria e Kosovës për integrimin e veriut të vendit, e cila tash ka filluar të njihet si strategjia e integrimit.
Kjo strategji ka arritur deri tash të përfitojë përkrahjen e shumë faktorëve ndërkombëtarë, por kundërshtohet ashpër nga Beogradi zyrtar dhe përfaqësuesit e serbëve të veriut të Kosovës.
GND sot gjithashtu pritet të diskutojë edhe për mandatin që zoti Feith ka në Kosovë, i cili do t’i nënshtrohet një rishikimi të dytë më 11 shkurt, si përfaqësues Special i Bashkimit Evropian në Kosovë.
Mandati i tij në këtë post, zyrtarisht përfundon në fund të këtij muaji dhe për vazhdimin eventual të kontratës, duhet të vendoset në takimin e ardhshëm të Këshillit të Ministrave.
Këtë e konfirmoi zëdhënësja e Përfaqësuesit Special të Bashkimit Evropian në Kosovë, Julia Reuter.
“Mandati i Përfaqësuesit Special të Bashkimit Evropian në Kosovë, Piter Feith, do të skadojë në fund të shkurtit. Për momentin, është duke u zhvilluar një proces rishikimi në nivelin e Bashkimit Evropian në Bruksel”.
“Ne mund të presim një vendim në lidhje me mandatin e tij, më 11 shkurt kur, nga krerët e qeverive dhe të shteteve, do të vendoset për këtë gjë në takimin e Këshillit në Bruksel”, ka thënë Reuter.(A.V.)