Kryeministri i Izraelit, Benjamin Netanjahu, tha se do të kërkojë nga Rusia të mbështesë sanksione më të ashpra ndaj Iranit. Netanjahu udhëtoi sot drejt Moskës për një vizitë tre ditore. Kreu i ekzekutivit të Izraelit takohet nesër me presidentin rus, Dimitri Medvedev.
Moska nuk ka qenë e gatshme të mbështesë perëndimin në nismën për një raund të ri sanksionesh ndaj Teheranit. Së fundi Irani tha se po bën pasurimin e uraniumit në nivele më të larta se deri tani.
