Ish lideri i serbëve të Bosnjes, Radovan Karaxhiq tha sot se trafikimi i armëve në zonat e myslimanëve boshnjakë e ka zgjatur luftën e viteve 1992-95.
Në seancën dëgjimore, Karaxhiq i tha Gjykatës Ndërkombëtare për Krime të Luftës në ish Jugosllavi se paqëruajtësit dhe organizatat humanitare i kanë furnizuar me armë armiqtë e tij duke shkelur kështu embargon për armë të Kombeve të Bashkuara.
Karaxhiq, 64 vjeç, ngarkohet me 11 akuza për gjenocid, krime të luftës dhe krime kundër njerëzimit për rolin e tij në luftën në Bosnje, në të cilën rreth 100 mijë njerëz u vranë dhe 2.2 milionë u detyruan të braktisin shtëpitë e tyre.
