Ligjvënësit në Belgjikë do të votojnë sot për propozim ligjin që ndalon gratë, në rrugë dhe në vende publike, të mbajnë veshje islamike, të cilat mbulojnë fytyrën.
Organizata që merret me të drejtat e njeriut, Human Rights Watch ka kërkuar që ky propozim të mos votohet. HRW ka theksuar se nuk ka ndonjë provë që të dëshmojë se mbajtja e veshjeve islamike, ku mbulohohet fytyra paraqet kërcënim për sigurinë publike.
Presidenti francez, Nikola Sarkozi, synon miratimin e një ligji të ngjashëm.
