Sekretarja amerikane e Shtetit, Hillari Klinton pret që bisedimet indirekte ndërmjet izraelitëve dhe palestinezëve të vazhdojnë javën e ardhshme.
Klinton tha se emisari amerikan për Lindjen e Mesme, Xhorxh Miçell, do të kthehet javën që vjen në rajon për ta vazhduar procesin.
Sot në takimin e ministrave të Jashtëm të Ligës Arabe, pritet që t’u jepet mbështetje bisedimeve të reja.
Lideri palestinez Abas u tërhoq nga bisedimet indirekte në muajin mars për shkak të planit të Izraelit për të ndërtuar shtëpi në Jerusalemin lindor të pushtuar.