Ndërlidhjet

logo-print

Rasmusen: Të gjitha vendet e Ballkanit në NATO e BE



Sekretari i Përgjithshëm i NATO-s, Anders Fogh Rasmusen, ka përsëritur mbështetjen e tij për përfshirjen e të gjitha vendeve të Ballkanit në NATO.

“Ne ndajmë qëndrimin se formula më e mirë për një paqe të qëndrueshme e afatgjatë në Ballkan është integrimi i të gjitha vendeve të rajonit në strukturat euroatlantike, në NATO dhe në BE”, tha Rasmusen. Ky i fundit nënvizoi faktin se aleanca mes Evropës dhe Shteteve të Bashkuara e kishte provuar veten, në veçanti gjatë Luftës së Ftohtë dhe gjatë luftërave në Ballkan.

Rasmusen duke iu përgjigjur pyetjeve të gazetarëve ka bërë thirrje për përmirësimin e raporteve mes Aleancës dhe Serbisë. “Kam shumë dëshirë t’i shohë marrëdhëniet e përmirësuara mes NATO-s e Serbisë”, tha kreu i Aleancës.

Deklaratat e Rasmusenit u bënë pas takimit me ministrin e Jashtëm të Rumanisë, Teodor Bassonski, në Bukuresht.
XS
SM
MD
LG