Elena Kagan besohet se do të jetë kandidatura që do të paraqesë presidenti Obama për vendin bosh në Gjykatën Supreme të SHBA-ve. Kagan, 50 vjeçare, aktualisht përfaqëson qeverinë amerikane në rastet që shqyrton Gjykata Supreme.
Nëse miratohet dhe nga Senati, Kagan do të jetë gruaja e katërt që bëhet pjesë e Gjykatës Supreme.
Aktualisht, në Gjykatën Supreme, në mesin e nëntë gjyqtarëve janë dhe dy femra, Ruth Bader Ginsburg dhe Sonia Sotomajor.
Gjyqtarët e kësaj gjykate e mbajnë këtë detyrë deri në fund të jetës.