Qeveria e Gjermanisë tha se do t'i mbajë trupat në Kosovë edhe të paktën për një vit, si pjesë e misionit paqëruajtës të NATO-s.
Zëdhënësi i qeverisë, Krishtof Stigmans, tha se kabineti e ka miratuar zgjatjen e mandatit të trupave, dhe njëkohësisht e ka zvogluar numrin maksimal të ushtarëve në 1,000 nga 3,500.
Ai tha se Gjermania aktualisht ka rreth 1,500 trupa në Kosovë.
Parlamenti gjerman pritet ta miratojë mandatin gjatë disa javëve.