Presidenti i Shteteve të Bashkuara, Barak Obama, dhe kancelarja e Gjermanisë, Angela Merkel, kanë biseduar me telefon mbi masat për rregullimin ekonomisë botërore dhe nxitjen e rritjes ekonomike.
Në bisedën e zhvilluar mbrëmë para takimit të G 20 në Toronto, Obama ka shprehur kënaqësinë që parlamenti i Gjermanisë i miratoi masat për ndihmë financiare në eurozonën, njoftoi Shtëpia e Bardhë.
Merkel ka përshëndetur miratimin e reformave për rregullim financiar në Senatin amerikan, që janë më të mëdhatë në disa dekadat e fundit.
Dy liderët gjithashtu kanë folur mbi "bashkërendimin e bashkësisë ndërkombëtare lidhur me programin bërthamor të Iranit".