Presidenti i Iranit Mahmud Ahmadinexhad sot e quajti Këshillin e Sigurimit “vegël në duart e Shteteve të Bashkuara”, dhe tha se sanksionet e reja të Kombeve të Bashkuara kundër programit bërthamor të Iranit “nuk do të kenë efekt”.
Ai i bëri këto komente gjatë vizitës në panairin botëror Expo në Shangai.
Të mërkurën, Kina e mbështeti propozim rezolutën amerikane në Këshillin e Sigurimit, e cila i vendosi Iranit raundin e katërt të sanksioneve.
Fuqitë Perëndimore druajnë se programi bërthamor i Iranit synon prodhimin e armëve bërthamore, gjë të cilën Irani e mohon.
